पछिल्लो पटक एक महिनाको अवधिमा मात्रै करिब २८ सय रुपैयाँ घटिसकेको सुन आज पनि तोलामा ४ सय रुपैयाँले घटेको छ ।
अन्तर्राष्ट्रिय बजारमा सुनको मूल्य ओरालो लागेपछि नेपालमा पनि यसको प्रभाव परेको व्यवसायीहरुले बताएका छन् ।
सुनचाँदी व्यवसायी महासंघका अनुसार आज आइतबार छापावाल सुन प्रतितोला ४८ हजार ७ सय र तेजावी सुन ४८ हजार ४ सय ५० रुपैयाँमा कारोबार भैरहेको छ । यस्तै, चाँदीको भाउ भने आज प्रतितोला ६ सय ८० रुपैयाँ रहेको छ ।
